خلطة مشاوي

جيبوا طماطم طازة او معلبة ... وحطوا عليها بصل مقطع وتوم مقطع وملح وفلفل اسود وكمون وكتشب وشوية شوية شوية رشة كاري (بهار هندي)


وجيبوا قطع اللحمة ... ويفضل تكون فخدة ضاني وحطها في هديك الخلطة لمدة يوم قبل الشوي

لما تجي تسيخ اللحمة يا كابتن (تحطها في السيخ) قطعوا كمان قطع لية (ليه الطلي اللي هو ديلو الشحمة البيضا المقرفة هديك)

ايش الفايدة من اللية تحطها بين كل قطعة لحمة وقطعة لحمة عشان لما تشوي اللحمة تستوي معاك وتصير طريه ... خلي في مسافة صغنطوطة بين القطع عشان ستوي اللحم مضبوط ..


بلنسبة للكباب يا بو الحبايب ...

جيب لحم مفروم ويفضل ينفرم معاه شوية شوية شوية شحم وجيب البقدونس والبصل والتوم والفلف الاسود والملح والفلفل الابيض و سوي لخبطة لخبط بيدك زي ما تبغا الين ما يصير الشكل مهبب زي طختك ... وبرضو حط اللخبطة دي في التلاجة يوم كمان قبل الشوي



بالنسبة للشيش طاووق يا فجعان

جيب صدور الدجاج الخالية من العظم.. (انصحك بدجاج هادكو اللي ينباع ف بندة طعمو طعم وما فيلو ريحة) وجيب لبن زبادي و ملح وفلفل اسود وبصل وتوم وكاري وحط الدجاج فيه بعد ما تقطعوا مكعبات صغيرة وبرضو زيو زي اللي قبلو يوم قبل الشوي في التلاجة